Տեղեկացնում ենք,որ շարունակվում է «Հայկական Կարիտաս» բարեսիրական ՀԿ-ի, «ԻՐԻՍ բիզնես ինկուբատոր» և «Իմփաքթ Հաբ Արմենիա» սոցիալական նորարարության զարգացման հիմնադրամների և Եվրոպական միության ֆինանսավորմամբ իրականացվող «Կայուն կենսամիջոցների, ձեռնարկատիրության զարգացման և զբաղվածության հնարավորությունների խթանում տեղահանված և հյուրընկալող համայնքների համար» (Three4ResilientArmenia) ծրագիրը, նպատակն է նպաստել Լեռնային Ղարաբաղից տեղահանվածների և հյուրընկալող համայնքների սոցիալական ներառմանն ու տնտեսական ինտեգրմանը։
🟧🟧 Ուստի, 2025 թ․ հոկտեմբերի 25-26-ին Շիրակի մարզում` Իմփաքթ Հաբ Գյումրիում, նախատեսվում է իրականացնել երկօրյա «Մարզային Գաղափարատոն՝ Շիրակ 2025» միջոցառումը, որի հիմնական թիրախը երիտասարդներն են, ովքեր արդեն զբաղվում են ձեռնարկատիրական գործունեությամբ, ունեն բիզնես գաղափարներ կամ հետաքրքրված են ձեռնարկատիրությամբ։ Հատկպաես խրախուսելի է ուսանողների և նոր շրջանավարտների մասնակցությունը։
🟧🟧 Գաղափարատոնին երիտասարդների ներգրավվածությունը խթանելու նպատակով հոկտեմբերի 7-ին կկազմակերպվի առցանց տեղեկատվական հանդիպում, որի շրջանակներում կներկայացվեն ծրագրի նպատակներն ու հնարավորությունները, ինչպես նաև մասնակցության ձևաչափերն ու պայմանները։
Սիրելի երիտասարդներ,եղեք ակտիվ ու մասնակցեք ծրագրին ձեր գաղափարներով ու տեսլականներով: