ՀԱՐԳԵԼԻ ԲԱՐԵԿԱՄ

  Ողջունում և շնորհակալություն եմ հայտնում Ձեզ Շիրակի մարզի Ամասիա համայնքապետարանի պաշտոնական կայք այցելելու, համայնքի նկատմամբ ցուցաբերած ուշադրության համար:

 Կայքի համապատասխան բաժիններում Դուք կստանաք համապարփակ և ամբողջական տեղեկատվություն համայնքի մասին՝ իրազեկ դառնալով համայնքի կյանքի նշանակալի իրադարձություններին:Էլեկտրոնային հաղորդակցության այս միջոցի շնորհիվ մեր գործունեությունը կլինի բաց և թափանցիկ:Մեր համար արժեքավոր են համայնքի յուրաքանչյուր բնակչի կարծիքը և առաջարկությունը. դրանք կարևոր խթան են մեր գործունեության արդյունավետության բարձրացման:

         Հարգանքով՝  ՋԵՄՄԱ ՀԱՐՈՒԹՅՈՒՆՅԱՆ

  Կորոնավիրուսի (COVID-19)-ի վարակի կանխարգելման միջոցառումների շրջանակներում Ամասիա համայնքում իրականացվում են համապատասխան աշխատանքները:
Ամասիայում ախտահանման աշխատանքները շարունակվում են բազմաբնակարան շենքերի շքամուտքերը, աստիճանավանդակները: Քլորաջրով մաքրվում են նաև համայնքում տեղադրված աղբարկղերը և դրանց հարակից տարածքները:
Մեր բնակիչներին ևս մեկ անգամ հորդորում ենք՝ կատարված աշխատանքներից հետո ձեր շրջապատում խստորեն պահպանեք սանիտարահիգիենիկ նորմերը, վարակի հնարավոր տարածումը կանխելու նպատակով հետևեք համապատասխան մարմինների կողմից տրվող ցուցումներին և հրահանգներին:

 Այսօր տեղի ունեցավ Ամասիա  համայնքի օպերատիվ շտաբի հերթական աշխատանքային նիստը։Նիստին ներկայացվեցին  տեղեկատվություն  կորոնավիրուսի տարածման դեմ պայքարում կատարված աշխատանքները:Նիստին քննարկվեցին խոցելի խմբերին պարենային և ոչ պարենային սնունդ տրամադրելու նպատակով կամավորներին ներգրավվելու հարցը։

  Օպերատիվ շտաբում քննարկվեցին նաև վերջին մի քանի օրում պարետի և հանրապետական օպերատիվ շտաբի կողմից նոր հանձնարարակաները նրանց կատարման և տեղայնացման վերաբերյալ հարցերը:

 Այսօր Ամասիա համայնքի ղեկավարի աշխատասենյակում, տեղի ունեցավ համայնքային օպերատիվ շտաբի քննարկում կապված կորոնավիրուսի տարածմամբ կանխարգելման վերաբերյալ:Քննարկման ընթացքում օպերատիվ շտաբի կողմից իրականացվող աշխատանքների վերաբերյալ  ներկայացվեցին  համայնքի բոլոր բնակավայրերում հանրային սպասարկման և ծառայություններ մատուցող կազմակերպություններին իրազեկելու աշխատողների անհատական պաշտպանությանը ապահովելու անհրաժեշտության վերաբերյալ:

  Բազմամարդ տոնախմբություն, երգ, պար, մշակութային, մարզական ու ժամանցային միջոցառումներ ու մրցումներ՝ «Շիրակի ձմեռ» 2020 փառատոնն անցավ հրաշալի մթնոլորտում։

  Մասնակիցներին տոնական տրամադրություն և ուրախ ժամանց մաղթեց Շիրակի մարզպետ Տիգրան Պետրոսյանը։Միջոցառմանը մասնակցում էին նաև  Ամասիա համայնքի թիմը:Փառատոնի ընթացքում ցանկացողները ուժերը չափեցին դահուկավազքի, բազկամարտի, պարանի ձգման, կշռաքարի,հրաձգության, ռաֆտինգի, փեյնթբոլի, ձնեմարտի (սիրողական), ձնագնդիով նշանակետիի, ջիփինգի, սահնակների,արագընթացների(բուռաններ), սնոուբորդի մրցույթներում։ Հաղթողներն արժանացան պատվոգրերի և մրցանակների։

  Փետրվարի 20-ին Ամասիայի միջնակարգ դպրոցում տեղի ունեցավ  «Պապ և թոռ» շախմատի մրցաշարի Շիրակի մարզի տարածաշրջանային փուլը:Խաղատախտակների առաջ իրենց ուժերը չափել են 9 թիմեր, որը մասնակցության բավական բարձր թիվ է:Շախմատի մրցաշարն անց է կացվել թիմային հաշվարկով:Թիմի կազմում ընդգրկված են եղել մինչև 2006 թվականը ծնված դպրոցականներ /անկախ սեռից/ և նրանց պապերը:Մրցաշարն անց է կացվում 2 փուլով՝ տարածաշրջանային և մարզային:  Տարածաշրջանային փուլում հաղթող և մրցանակակիր դարձած թիմերը կմասնակցեն միջոցառման մարզային փուլին, որը տեղի կունենա մարտի 7-ին՝ Գյումրու համայնքապետարանի շախմատի մարզադպրոցում: 

 Շիրակի մարզի Ամասիա համայնքը հայտարարում է մրցույթ «Քաղաքացու բյուջե» ենթադրամաշնորհի համար, որը նպատակ ունի խթանելու քաղաքացիների ներգրավվածությունը համայնքի զարգացման մեջ՝ կիրառելով մասնակցային բյուջետավորման սկզբունքները:
Ենթադրամաշնորհի համար կարող են հայտ ներկայացնել ինչպես համայնքում գործող հասարակական կազմակերպությունները, այնպես էլ համայնքային աշխատանքային խմբերը: Հրավիրում ենք ներկայացնել նորարարական գաղափարներ՝ զբոսաշրջության զարգացման միջոցով համայնքային վերհանված խնդիրները լուծելու համար:
 Հայտ ներկայացնելու համար անհրաժեշտ փաստաթղթերի փաթեթին ծանոթանալու համար դիմել Ամասիայի համայնքապետարան: