ՀԱՐԳԵԼԻ ԲԱՐԵԿԱՄ

  Ողջունում և շնորհակալություն եմ հայտնում Ձեզ Շիրակի մարզի Ամասիա համայնքապետարանի պաշտոնական կայք այցելելու, համայնքի նկատմամբ ցուցաբերած ուշադրության համար:

 Կայքի համապատասխան բաժիններում Դուք կստանաք համապարփակ և ամբողջական տեղեկատվություն համայնքի մասին՝ իրազեկ դառնալով համայնքի կյանքի նշանակալի իրադարձություններին:Էլեկտրոնային հաղորդակցության այս միջոցի շնորհիվ մեր գործունեությունը կլինի բաց և թափանցիկ:Մեր համար արժեքավոր են համայնքի յուրաքանչյուր բնակչի կարծիքը և առաջարկությունը. դրանք կարևոր խթան են մեր գործունեության արդյունավետության բարձրացման:

         Հարգանքով՝  ՋԵՄՄԱ ՀԱՐՈՒԹՅՈՒՆՅԱՆ

Սույն թվականի հունիսի 9-ին  Ամասիայի համայնքային մարզադաշտում տեղի ունեցավ 2018 թվականի ՀՀ Նախագահի մրցանակի համար<<Լավագույն մարզական ընտանիքի>>տարածաշրջանային 2-րդ փուլի մրցույթը:Նախորդ տարիներին Շիրակի մարզի ներկայացուցիչները զգալի հաջողություններ են գրանցել եզրափակիչ փուլերում, փորձելու են չխախտել բարի ավանդույթն: Անցած տարիների համեմատ, այս տարի ամբողջությամբ փոխվել են վարժաձևերը:

Սույն թվականի հունիսի 5-ից 20-ը ընկած ժամանակահատվածում Ամասիայի համայնքում անցկացվելու է փոխանցիկ գավաթի առաջնություն:  Հունիսի 5-ին կայացած խաղում  Ամասիայի համայնքի <<ԱՆԻ>> թիմը 4:1 հաշվով հաղթեց <<Ջրաձոր>> թիմին: Հաջորդ խաղը տեղի կունենա հունիսի 7-ին,Ամասիան սեփական հարկի տակ կընդունի <<Մեղրաշատ>> բնակավայրի թիմին:

Նշենք, որ Ամասիայի ֆուտբոլի դաշտը կառուցվել է 2014թ.-ին <<Ucom>> ընկերության և Հայաստանի ֆուտբոլի ֆեդերացիայի համագործակցությամբ՝ եվրոպական բարձր ստանդարտներին համապատասխան: 

Հունիսի 4-ին ՀՀ Տարածքային կառավարման և զարգացման նախարար Սուրեն Պապիկյանը Շիրակի մարզպետարանի աշխատակազմին, մարզի համայնքների, ուժային կառույցների ղեկավարներին ներկայացրեց Շիրակի նորանշանակ մարզպետ Կարեն Սարուխանյանին: Հանդիպման մեկնարկին Սուրեն Պապիկյանն անդրադարձավ մի շարք խնդիրների` կարևորելով ժողովրդավարության զարգացումը Հայաստանի Հանրապետությունում, այդ առումով գործնական քայլերի իրականացումը. «Մեր կառավարությունը պատրաստ է համառորեն լծվել ժողովրդավարության հաստատման կարևոր գործին, այստեղ պետք է բոլորիդ աջակցությունը և պետական պաշտոնյաներինը, և տեղական ինքնակառավարման մարմիններինը, ովքեր պետք է դառնան ժողովրդավարության ակունքները տեղերում: 

Հունիսի 1-ին Ամասիայի մարզամշակույթային կենտրոնում տեղի ունեցավ համերգ նվիրված Երեխաների իրավունքների պաշտպանության օրվա կապակցությամբ:Անգամ վատ եղանակն ու անձրևը չկարողացան խանգարել մանուկների տոնը, որն անցավ երգ ու պարով, ասմունքով, ծափ ու ծիծաղով և բարձր տրամադրությամբ:

 Մանուկների տոնը միաժամանակ իր բնույթով ամենաբարին է ու կենսախինդը, հրաշալին ու ամենապայծառը։ Մանուկների աչքերում ու սրտերում արտահայտված է մեր հասարակության անկեղծությունն ու անմիջականությունը։

Սիրելի՛ երեխաներ,
Աշխարհի շատ երկրներում այսօր նշվում է Երեխաների իրավունքների պաշտպանության օրը, որը մեզանում վերածվել է բացառապես մանուկների տոնի: Շնորհավորում ենք հենց ձե՛ր լուսավոր ու պայծառ տոնի առթիվ: 
Բոլոր մեծերի ցանկությունն է, որ երեխաներն ապահով մանկություն ունենան, ապրեն անհոգ կյանքով և հասնեն իրենց երազանքին: Եղե՛ք առողջ ու երջանիկ, նաև արդարացրեք ձեզ հետ կապված մեր բոլոր հույսերը: Իսկ մենք` մեծերս, կանենք ամեն ինչ, որպեսզի դուք բոլորդ լինեք լիարժեք պաշտպանված ու երջանիկ: 
Անհոգ մանկություն ձեզ, մեր փոքրիկ բարեկամներ:

  Հարգանքներով Ամասիայի համայնքապետարան