|
ՆԿԱՐԱԳՐՈՒԹՅՈՒՆ
|
|
ՄԱԿ-ի հռչակագրի համաձայն՝ այս միջազգային օրը լրացուցիչ առիթ է, որպեսզի քարոզվի ոչ բռնությունը: Փաստաթղթում հաստատվում է «Ոչ բռնության սկզբունքի համընդհանուր նշանակությունը», ինչպես նաև «Խաղաղության, համբերատարության, հասկացման և ոչ բռնության» մշակույթի ամրապնդման ցանկությունը: Հնդկաստանի արտաքին գործերի նախարար Անանդ Շարման, ներկայացնելով 140 հեղինակի ընդունած փաստաթուղթը Գլխավոր ասամբլեայի քննարկմանը, ցույց էր տալիս այդ մարդկանց հարգանքը Մահաթմա Գանդիի և նրա ուսմունքի նկատմամբ: Նա իր ելույթում նշել է, որ «Ոչ բռնություն»-ը մարդկության ձեռքերում գտնվող հզորագույն ուժ է: Այն ավելի հզոր է, քան ամենահզոր ոչնչացման զենքը: «Ոչ Բռնությանը» սկզբունքը ժխտում է ֆիզիկական բռնության կիրառումը սոցիալական կամ քաղաքական փոփոխությունների իրականացման նպատակով: Գոյություն ունի ոչ բռնի գործողությունների 3 հիմնական տիպ` բողոքի ակցիաներ, այդ թվում` պիկետներ և շքերթներ, համագործակցությունից հրաժարում, ոչ բռնի միջամտություն, օրինակ` անցուդարձի խոչընդոտում կամ տարածքի գրավում առանց մարդկանց վնասելու:
|