ՄԱԿ-ի Զարգացման ծրագրի (ՄԱԶԾ) «Կանայք և երիտասարդները նորարար տեղական զարգացման մեջ» ծրագիրը 2019թ. նոյեմբերի 7-9-ը կազմակերպում է «#DEMOCoDesign Lab» սոցիալական նորարարության միջոցառումը՝ խրախուսելու բազմաբնակավայր համայնքներում տարաբնույթ խնդիրներին արձագանքող կանանց ակտիվ խմբերի ստեղծումը։

DEMOCoDesign Lab-ին ավելի մանրամասն կարող եք ծանոթանալ հայտերի ներկայացման ուղեցույցից, անցնելով հետևյալ հղումով` http://bit.ly/2Oiw0jM  :

Լաբի նպատակն է մշակել նախագծեր բազմաբնակավայր համայնքներում կանանց մասնակցությունը խրախուսելու համար: Եռօրյա #DEMOCoDesign Lab-ի ընթացքում մրցույթով ընտրված մինչև 6 գաղափարները կներկայացվեն մասնակիցներին, նրանց օգնությամբ կմշակվեն և կդառնան նորարարական նախագծեր:

Հաղթող նախագծերը պետք է իրականացվեն Հայաստանի բազմաբնակավայր համայնքներում՝ ՏԻՄ-երի հետ համագործակցությամբ:

Հաղթող նախագծերը կստանան ֆինանսական աջակցություն։

#DEMOCoDesign Lab-ին մասնակցելու համար Դուք կարող եք դիմել որպես գաղափար առաջարկող կամ որպես մասնակից (փորձագետ):

Ձեր գաղափարները կարող եք ներկայացնել հետևյալ հղումով՝ http://bit.ly/2IoE2Ug ։

Եթե ցանկանում եք ներգրավվել որպես մասնակից, ունեք փորձագիտական գիտելիքներ, կարող եք գրանցվել հետևյալ հղումով՝ http://bit.ly/2LP0vME ։

Հայտերի ներկայացման վերջնաժամկետը 2019 թվականի հոկտեմբերի 20-ն է։

#DEMOCoDesign Lab-ն իրականացվում է ՄԱԶԾ-ի՝ «Կանայք և երիտասարդները նորարար տեղական զարգացման մեջ» ծրագրի շրջանակներում՝ Շվեյցարիայի զարգացման և համագործակցության գործակալության ֆինանսական աջակցությամբ և ՀՀ տարածքային կառավարման և ենթակառուցվածքների նախարարության հետ համագործակցությամբ։