Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 35-րդ հոդվածի 1-ին մասի 16-րդ և 24-րդ կետերի, Հայաստանի Հանրապետության Հողային օրենսգրքի 66-րդ հոդվածի 1-ին մասի 4-րդ կետի, 2-րդ և 3-րդ մասի դրույթներով, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված « Ինքնակամ կառույցների օրինականացման և տնօրինման կարգի » 39-րդ կետի դրույթներով, հիմք ընդունելով  Հայաստանի Հանրապետության Շիրակի մարզի Ամասիա համայնքի ավագանու 2025 թվականի փետրվարի 25-ի թիվ 11-Ա որոշումը և հաշվի առնելով, որ ինքնակամ շինություններ իրականացրած, Հայաստանի Հանրապետության քաղաքացի Ժորա Գրիգորի Դավթյանը 2024 թվականի նոյեմբերի 20-ի իր դիմումով ընդունել է Հայաստանի Հանրապետության օրեսդրությամբ սահմանված կարգով օրինական ճանաչված և համայնքի սեփականություն համարված 1021,9 քառակուսի մետր մակերեսով շենքեր, շինությունները, ինչպես նաև դրա պահպանման ու սպասարկման համար նախատեսված համայնքի սեփականությունը հանդիսացող 08-010-0042-0002 կադաստրային ծածկագրով 0,793764 հեկտար մակերեսով արդյունաբերության, ընդերքօգտագործման և այլ արտադրական օբյեկտների նպատակային նշանակության, գյուղատնտեսական արտադրական օբյեկտների գործառնական նշանակության հողամասի նախապատվության իրավունքով, ուղղակի վաճառքով ձեռք բերելու առաջարկությունը.

որոշում եմ՝

1.      Հայաստանի Հանրապետության Շիրակի մարզի Ամասիա համայնքի սեփականությունը համարված, ինքնակամ կառուցված և օրինական ճանաչված 1021,9 քառակուսի մետր մակերեսով շենքեր, շինությունները, ինչպես նաև դրա պահպանման ու սպասարկման համար նախատեսված,  Հայաստանի Հանրապետության Շիրակի մարզի Ամասիա համայնքի սեփականությունը հանդիսացող 08-010-0042-0002 կադաստրային ծածկագրով, 0,793764 հեկտար մակերեսով արդյունաբերության, ընդերքօգտագործման և այլ արտադրական օբյեկտների նպատակային նշանակության, գյուղատնտեսական արտադրական օբյեկտների գործառնական նշանակության հողամասը (անշարժ գույքի հասցեն՝ Հայաստանի Հանրապետություն, Շիրակի մարզ Ամասիա համայնք, գյուղ Ամասիա 24-րդ փողոց, 20 արտադրամաս, իրավունքների պետական գրանցման վկայական թիվ 24122024-08-0006) ուղղակի վաճառքով, գնման նախապատվության իրավունքով՝ 2600880 (երկու միլիոն վեց հարյուր հազար ութ հարյուր ութսուն) դրամ արժեքով, որից՝ 1095470 (մեկ միլիոն իննսունհինգ հազար չորս հարյուր յոթանասուն) դրամը շինության արժեքն է, իսկ 1505415 (մեկ միլիոն հինգ հարյուր հինգ հազար չորս հարյուր տասնհինգ) դրամը՝ հողամասի, օտարել կառուցապատողին՝քաղաքացի Ժորա Գրիգորի Դավթյանին (նույնականացման քարտ՝ 002802437, տրված` 016 կողմից, 23.10.2025, հաշվառման հասցե` քաղաք Գյումրի, Կոմինտեռնի փողոց 9, 45)։

2.      Հայաստանի Հանրապետության օրենսդրությամբ սահմանված կարգով քաղաքացու հետ կնքել անշարժ գույքի առուվաճառքի պայմանագիր և ապահովել սույն որոշումից բխող իրավունքների պետական գրանցումը՝ քաղաքացու միջոցներով։

3.     Սույն որոշումն ուժի մեջ է մտնում քաղաքացի Ժորա Գրիգորի Դավթյանին պատշաճ ծանուցելու օրվան հաջորդող օրվանից: