<<ՈՒՐԱԼ ԱՐՆԱՇ ՍՏՐՈՅ>> ՍՊԸ–ի կողմից ներկայացված ՀՀ Շիրակի մարզի Ջրաձորի կավային ապարների հանքավայրի շահագործման աշխատանքների շրջակա միջավայրի վրա ազդեցության նախնական գնահատման հայտի վերաբերյալ հանրային  քննարկումների /2-րդ հանրային քննարկում/:

Սույն թվականի մարտի 28-ին ժամը 14:00-ին ՀՀ Շիրակի մարզի Ամասիա համայնքում տեղի ունեցան <<ՈՒՐԱԼ ԱՐՆԱՇ ՍՏՐՈՅ>> ՍՊԸ–ի կողմից ներկայացված ՀՀ Շիրակի մարզի Ջրաձորի կավային ապարների հանքավայրի շահագործման աշխատանքների շրջակա միջավայրի վրա ազդեցության նախնական գնահատման հայտի վերաբերյալ հանրային  քննարկումներ:

 Հանրային քննարկումներին մասնակցում էին Շիրակի մարզի Ամասիա համայնքի ղեկավար՝ Ջ. Հարությունյանը, <<Շրջակա միջավայրի վրա ազդեցության փորձաքննական կենտրոն>> ՊՈԱԿ-ի մասնագետ՝ Հովիկ Մեսրոպյանը, <<ՈՒՐԱԼ ԱՐՆԱՇ ՍՏՐՈՅ>> ՍՊԸ–ի տնօրեն  Ն. Բաղդասարյանը և համայնքի բնակիչներ:

Ելույթ ունեցան

Շիրակի մարզի Ամասիա համայնքի ղեկավար՝ Ջ. Հարությունյանը նշեց, որ համայնքում իրականացնում են արդեն 2-րդ հանրային քննարկումներ: Համայնքը պատշաճ ծանուցված է, ամեն ինչ նորմայի սահմաններում է, մենք շահագրգռված ենք, որ իրականացվեն շահագործման աշխատանքներ, որ որոշակի ընտանիքներ աշխատեն, բարելավվի համայնքի սոցիալ-տնտեսական իրավիճակը:

<<ՈՒՐԱԼ ԱՐՆԱՇ ՍՏՐՈՅ>> ՍՊԸ–ի տնօրեն  Ն. Բաղդասարյանը ՝

Նախատեսվում է համայնքի վարչական սահմաններում իրականացնել հանքավայրի շահագործման աշխատանքներ, այդ աշխատանքները կիրականացվեն ՀՀ օրենսդրությամբ սահմանված կարգով և կպահպանվեն գործող բոլոր բնապահպանական նորմերը: Ընկերությունը աջակցել է համայնքի հիմնախնդիրների լուծմանը և առավել ևս կաջակցի հետագայում հանքավայրի շահագործման ժամանակ:

<<Շրջակա միջավայրի վրա ազդեցության փորձաքննական կենտրոն>> ՊՈԱԿ-ի մասնագետ՝ Հ. Մեսրոպյանը

Ներկայացրեց ՀՀ օրենսդրությունը, որ համաձայն <<Շրջակա միջավայրի վրա ազդեցության գնահատման և փորձաքննության մասին>> ՀՀ օրենքի այս ուսումնասիրության աշխատանքները ենթակա են շրջակա միջավայրի վրա ազդեցության  փորձաքննության 1 փուլով 2 հանրային քննարկումների իրականացմամբ: Այս հանրային քննարկումներից հետո Օրենքով սահմանված կարգով ընկերությանը կտրամադրվի տեխնիկական առաջադրանք:

Համայնքի բնակիչները, որոնք իրենց ելույթում փաստեցին աշխատանքների իրականացման կարևորությունը համայնքի և համայնքի բնակիչների համար:

 Ամփոփելով հանրային քննարկման արդյունքները՝ մասնակիցները որոշեցին հավանություն տալ <<ՈՒՐԱԼ ԱՐՆԱՇ ՍՏՐՈՅ>> ՍՊԸ–ի կողմից ներկայացված ՀՀ Շիրակի մարզի Ջրաձորի կավային ապարների հանքավայրի շահագործման աշխատանքներին