Ղեկավարվելով «Տեղական ինքնակառավարման մասին» Հայաստանի Հանրապետության օրենքի 92-րդ հոդվածի 4-րդ մասի և «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 15-րդ հոդվածի      9-րդ մասի դրույթներով և հիմք ընդունելով Գերմանական միջազգային համագործակցության ընկերության և Հայաստանի Հանրապետության Շիրակի մարզի Ամասիայի համյնքապետարանի միջև կնքված թիվ 83448457, 19.2204.6-007.00 նախնական պայմանագիրը՝ Հայաստանի Հանրապետության Շիրակի մարզի Ամասիա համայնքի ավագանին

որոշում է՝

Թույլատրել Հայաստանի Հանրապետության Շիրակի մարզի Ամասիա համայնքի համար գանձապետարանում բացել արտաբյուջետային հաշիվ՝ Հայաստանի Հանրապետության Շիրակի մարզի Ամասիա համայնքիԲյուրակն և Ողջի բնակավայրերի խմելու ջրի ջրագծերի կառուցման համար, որպես դրամաշնորհ՝ մինչև 10,545,000(տասը միլիոն հինգ հարյուր քառասունհինգ հազար) Հայաստանի Հանրապետության դրամ գումարը ստանալու համար: