Ղեկավարվելով«Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 7-րդ կետի դրույթներով, «Նորմատիվ իրավական ակտերի մասին» Հայաստանի Հանրապետության  օրենքի 33-րդ հոդվածի 1-ին մասի 1-ին կետի և 34-րդ հոդվածի 1-ին, 2-րդ և 3-րդ մասերի դրույթներով Հայաստանի Հանրապետության Շիրակի մարզի Ամասիա համայնքի ավագանին.

որոշում է`

Հայաստանի Հանրապետության Շիրակի մարզի Ամասիա համայնքի ավագանու 2022 թվականի մայիսի 31-ի «Հայաստանի Հանրապետության Շիրակի Մարզի Ամասիա համայնքի խնամակալության և հոգաբարձության մարմնին կից խնամակալության և հոգաբարձության հանձնաժողով ստեղծելու, հանձնաժողովի կանոնադրությունն ու անհատական կազմը հաստատելու և հանձնաժողովի նախագահ սահմանելու մասին» թիվ 40-Ա որոշմամբ հաստատված թիվ 2 հավելվածի 7-րդ  կետը շարադրել նոր խմբագրությամբ.

«9. Ահարոն Իգնատի Հայրապետյան  – Հայաստանի Հանրապետության ոստիկանության  Շիրակի մարզային վարչության Ամասիայի բաժնի անչափահասների գործերով  և ընտանիքներում բռնության կանխարգելման խմբի ավագ տեսուչ, ոստիկանության մայոր»: