Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 15-րդ և 28-րդ կետերի, «Պետական ոչ առևտրային կազմակերպությունների մասին» Հայաստանի Հանրապետության օրենքի            9-րդ հոդվածի 5-րդ մասի, 11-րդ հոդվածի, 13-րդ հոդվածի 2-րդ կետի «զ» ենթակետի, Հայաստանի Հանրապետության քաղաքացիական օրենսգրքի 63-րդ և 64-րդ հոդվածների դրույթներով,՝ Հայաստանի Հանրապետության Շիրակի մարզի Ամասիա համայնքի ավագանին`

Ո Ր Ո Շ ՈՒ Մ  Է

1.Հայաստանի Հանրապետության Շիրակի մարզի «Ամասիայի համայնքային գրադարան» համայնքային ոչ առևտրային կազմակերպությունը (պետական գրանցման համար՝ 46.21000083) և «Ամասիայի մանկապատանեկան մարզադպրոց» (պետական գրանցման համար՝ 46.21000082) համայնքային ոչ առևտրային կազմակերպությունը միաձուլման ձևով վերակազմակերպել և ստեղծել՝ Հայաստանի Հանրապետության Շիրակի մարզի «Ամասիայի մարզամշակութային կենտրոն» համայնքային ոչ առևտրային կազմակերպության:

2.    Հաստատել՝ Հայաստանի Հանրապետության Շիրակի մարզի «Ամասիայի մարզամշակութային կենտրոն» համայնքային ոչ առևտրային կազմակերպության կանոնադրությունը՝ համաձայն հավելվածի։

3.    Սահմանել, որ Հայաստանի Հանրապետության Շիրակի մարզի «Ամասիայի համայնքային գրադարան» համայնքային ոչ առևտրային կազմակերպության և «Ամասիայի մանկապատանեկան մարզադպրոց» համայնքային ոչ առևտրային կազմակերպության իրավահաջորդը Հայաստանի Հանրապետության Շիրակի մարզի «Ամասիայի մարզամշակութային կենտրոն» համայնքային ոչ առևտրային կազմակերպությունն է և վերջինիս են անցնում միաձուլված իրավաբանական անձանց իրավունքներն ու պարտականությունները՝ փոխանցման ակտին համապատասխան։