Ղեկավարվելով «Տեղական ինքակառավարման մասին» Հայաստանի Հանրապետության Օրենքի 35-րդ հոդվածի 1-ին մասի 24-րդ կետի, Հայաստանի Հանրապետության քաղաքացիական օրենսգրքի 188-րդ հոդվածի 6-րդ մասի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված «Ինքնակամ կառույցների օրինականացման և տնօրինման կարգի» 2-րդ, 8-րդ, 9-րդ կետերի դրույթներով, հիմք ընդունելով քաղաքացի Սիրվարդ Հովնանի Մաճարյանի 2025 թվականի հունվարի 24-ի  դիմումը ՝ համայնք Ամասիա բնակավայր Ամասիա 20-րդ փողոց, 48  բնակելի տուն   հասցեավորմամբ սեփականության իրավունքով պատկանող հողամասում / հիմքը` անշարժ գույքի սեփականության իրավունքի գրանցման թիվ 04122024-08-0022 վկայական/ ինքնակամ կառուցված` 183,36 քառակուսի մետր  մակերեսով շինություններն օրինականացնելու վերաբերյալ, հաշվի առնելով, որ ինքնակամ կառույցը կառուցված չէ քաղաքաշինական նորմերի և կանոնների էական խախտումներով, դրա պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը և չի առաջացնում հարկադիր սերվիտուտ պահանջելու իրավունք և որպես ինքնակամ կառույց հաշվառված է Հայաստանի Հանրապետության անշարժ գույքի կադաստրի կոմիտեում թիվ 2024RB3BUV ծածկագրով, 

Որոշում եմ

1. Հայաստանի Հանրապետության Շիրակի մարզի Ամասիա համայնքի  բնակավայր Ամասիա  20-րդ փողոց, 48բնակելի տուն  հասցեում գտնվող 183,36 քառակուսի մետր ընդհանուր  մակերեսով շինությունները  ճանաչել օրինական։

 2.Շինությունների օրինականացման համար սահմանված վճարը կազմում է 58970 ( հիսունութ հազար ինը հարյուր յոթանասուն) Հայաստանի Հանրապետության  դրամ։

  3.Վճարը 60-օրյա ժամկետում չվճարելու դեպքում որոշումը համարել ուժը կորցրած:

4.Պարտավորեցնել հողի սեփականատիրոջը սահմանված կարգով և ժամկետում կատարել օրինականացման համար սույն որոշմամբ սահմանված վճարումը և անշարժ գույքի նկատմամբ իրավունքը ենթարկել պետական գրանցման: