Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի, Հայաստանի  Հանրապետության  քաղաքացիական  օրենսգրքի  594-րդ հոդվածի 1-ին  և  2-րդ  մասերի  դրույթներով, հաշվի առնելով քաղաքացի Լուսինե Հրաչիկի Սիմոնյանի 2022թվականի սեպտեմբերի 20-ի դիմումը,  Հայաստանի Հանրապետության Շիրակի մարզի Ամասիա համայնքի ավագանին

որոշում Է՝

1. Հայաստանի Հանրապետության Շիրակի մարզի Ամասիա համայնքի սեփականություն հանդիսացող, գյուղ Ամասիա, 26-րդ փողոց , 11 շենք , 40 բնակարան հասցեում գտնվող 36,2 քառակուսի մետր ընդհանուր մակերեսով բնակարանը նվիրատվության կարգով, անհատույց, ընդհանուր համատեղ սեփականության իրավունքով օտարել այդ բնակարանի վարձակալ Լուսինե Հրաչիկի Սիմոնյանի 4 անձից բաղկացած ընտանիքին /հետագայում՝ Նվիրառու/:

2. Անշարժ գույքի նկատմամբ համասեփականատեր ճանաչել՝ Լուսինե Հրաչիկի Սիմոնյանին, ամուսնուն՝ Աղվան Վարազդատի Բադալյանին, աղջկան՝ Լիլիթ Աղվանի Բադալյանին, որդուն՝ Դավիթ Աղվանի Բադալյանինին:

3. Հայաստանի Հանրապետության Շիրակի մարզի Ամասիա համայնքի ղեկավար՝ Ջեմմա Հարությունյանին՝ Հայաստանի Հանրապետության քաղաքացիական օրենսգրքի 594-րդ հոդվածի 1-ին մասի համաձայն Նվիրառուի հետ կնքել անշարժ գույքի նվիրատվության պայմանագիր:

4. Անշարժ գույքի նվիրատվության պայմանագրի նոտարական վավերացման և իրավունքների պետական գրանցման հետ կապված ծախսերի կատարումը վերապահել Նվիրառուին: