Միգրացիայի միջազգային կազմակերպության (ՄՄԿ) հայաստանյան գրասենյակը իրականացնումէ «Միգրացիայի ներուժի խթանում սոցիալ-տնտեսական զարգացման համար Հայաստանում եւ Վրաստանում» ծրագիրը, որի նպատակն է նպաստել Հայաստան եւ Վրաստան վերադարձած միգրանտներին վերաինտեգրվելու իրենց համայնքներում: Ծրագիրը ֆինանսավորվել է Միգրացիայի միջազգային կազմակերպության զարգացման ֆոնդի կողմից։
Սույն ծրագրի շրնջանակներում, ՄՄԿ-ն հայտարարում է դրամաշնորհի մրցույթ Շիրակի մարզում։ Դրամաշնորհները տրամադրվում են աշխատանքային միգրանտներին՝ սկսնակ կամ արդեն գոյություն ունեցող բիզնեսների գործունեությունը զարգացնելու համար։ Բիզնես ոլորտները ներառում են տուրիզմ, արտադրություն, վերամշակում, առեւտուր, ծառայություն,
գյուղատնտեսություն։ Դրամաշնորհին դիմելու համար անհրաժեշտ է բավարարել հետեւյալ պայմաններին.
• Լինել Շիրակի մարզի բնակիչ,
• Լինել աշխատանքային միգրանտ 2019, 2021 եւ 2022թթ-ի ընթացքում՝ երեք ամիս եւ ավել
ժամկետով,
• Սկսնակների բիզնեսների դեպքում՝ ունենալ բիզնես պլան, որը կարտացոլի բիզնեսի
հիմնադրման համար անհրաժեշտ գործողություններն ու ֆինանսական կառավարման
եղանակները,
• Գոյություն ունեցող բիզնեսի դեպքում՝ ունենալ բիզնես պլան ընդլայնման համար,
• Պատրաստ լինել համաներդնել ներկայացվող բիզնեսի ֆինանսավորման չափի առնվազն
20%-ի չափով։

Բիզնեսների ֆինանսավորման որոշման մեջ դեր կխաղան ծրագրի ազդեցությունը՝ աշխատատեղերի ստեղծում, արժեշղթայի զարգացում, որը կտարածվի համայնքի այլ բնակիչների կյանքի որակի վրա եւ այլն։ Վերջնական բիզնեսների ընտրությունը կայացվելու է Բիզնեսի Ընտրության Կոմիտեի կողմից։ Կին միգրանտները հատկապես խրախուսվում են դիմել ծրագրին։ Ծրագրի դրամաշնորհը կազմելու է մինչեւ 5,000 ԱՄՆ դոլարին համարժեք ՀՀ դրամ։ Ծրագրին մասնակցության համար միգրանտները կարող են կապնվել իրենց համայնքապետարանի հետ՝ բիզնես հայտերը լրացնելու համար։ Ծրագրին դիմելու վերջնաժամկետն է սույն թվականի սեպտեմբերի 20-ը։