Գլխավոր էջ

15.12.25 ԲԱՐԻ ԳԱԼՈՒՍՏ www.amasia.am

ՀԱՐԳԵԼԻ ԲԱՐԵԿԱՄ

Ողջունում և շնորհակալություն եմ հայտնում Ձեզ` Շիրակի մարզի Ամասիա համայնքապետարանի պաշտոնական կայք այցելելու, համայնքի նկատմամբ ցուցաբերած ուշադրության համար:

Կայքի համապատասխան բաժիններում Դուք կստանաք համապարփակ և ամբողջական տեղեկատվություն համայնքի մասին՝ իրազեկ դառնալով համայնքի կյանքի նշանակալի իրադարձություններին: Էլեկտրոնային հաղորդակցության այս միջոցի շնորհիվ մեր գործունեությունը կլինի բաց և թափանցիկ:

Մեր համար արժեքավոր են համայնքի յուրաքանչյուր բնակչի կարծիքը և առաջարկությունը. դրանք կարևոր խթան են մեր գործունեության արդյունավետության բարձրացման:

Հարգանքով՝ ՋԵՄՄԱ ՀԱՐՈՒԹՅՈՒՆՅԱՆ

09.07.25 Ամասիա համայնքի ղեկավարը մասնակցել է մարզխորհրդի հերթական նիստին

Ամասիա համայնքի ղեկավար Ջեմմա Հարությունյանը մասնակցել է Շիրակի մարզպետ Դավիթ Առուշանյանի գլխավորությամբ անցկացված մարզխորհրդի նիստին: Նիստի օրակարգային առաջին հարցը վերաբերվել է համայնքների բյուջեների սեփական եկամուտների 2025 թվականի առաջին կիսամյակի կատարմանը։ Ըստ մարզպետի աշխատակազմի ֆինանսական վարչության պետ Լիպարիտ Մարտիրոսյանի զեկույցի, հուլիսի 1-ի դրությամբ մարզում սեփական եկամուտները կատարվել են 89,3 %-ով։ Ամենացածրը անշարժ գույքի հարկն է հավաքագրվել, ամենաբարձրը կատարվել է տեղական տուրքը՝ 126.5 տոկոս։ «Համայնքների բնակիչների հետ անընդհատ աշխատանք է պետք տանել, որպեսզի գիտակցեն մի պարզ ճշմարտություն, որ համայնքներում տարված ցանկացած աշխատանք իրենց վճարած հարկերի շնորհիվ է լինելու։ ... Մանրամասն

07.07.25 Ամասիա համայնքի ղեկավարը բարի և անփորձանք ծառայություն է մաղթել համայնքի բոլոր նորակոչիկներին

Հուլիսի 9-ին Ամասիա համայնքում կմեկնարկի ամառային զորակոչը….Այսօր՝ Ամասիա համայնքի կենտրոնական զբոսայգու խաչքար-հուշակոթողի մոտ, ավանդույթի համաձայն տեղի ունեցավ համայնքի ղեկավարի,աշխատակազմի և ամառային զորակոչի ընթացքում բանակ մեկնող երիտասարդների հանդիպումը,որին ներկա էին նաև համայնքում գտնվող ուժային կառույցների ղեկավարները,համայնքի բնակիչներ:Միասնական աղոթքից հետո, Ամասիա համայնքի հոգևոր հովիվ Տեր Գարեգին քհն Սարգսյանը մատուցեց նորակոչիկների օրհնության կարգ,ապա բարի և անփորձանք ծառայություն մաղթեց բոլոր նորակոչիկներին:Ամասիա համայնքի ղեկավար Ջեմմա Հարությունյանը նորակոչիկներին ուղղված իր խոսքում նախ շնորհակալություն հայտնեց բոլոր ծնողներին՝ հայրենասեր ու կիրթ ... Մանրամասն

26.06.25 Կայացել է Ամասիա համայնքի ավագանու յոթերորդ նստաշրջանի հերթական նիստը

Ամասիա համայնքի ղեկավար Ջեմմա Հարությունյանի գլխավորությամբ տեղի է ունեցել Ամասիա համայնքի ավագանու հերթական նիստը:

Օրակարգային 16 հարցերի շրջանակներում քննարկվել են Ամասիա համայնքի սեփականություն հանդիսացող գյուղատնտեսական նշանակության հողամասերը ժամանակավոր օգտագործման համար վարձակալության իրավունքով տրամադրելու և տրամադրման պայմաններ սահմանելու մասին,ինչպես նաև համայնքի սեփականություն հանդիսացող շինությունները և նրանց պահպանման ու սպասարկման համար նախատեսված հողամասերը նախապատվության իրավունքով ուղղակի կարգով կառուցապատողին վաճառելու համաձայնություն տալու մասին հարցերը:

Նիստի օրակարգում քննարկվել են նաև ավագանիներին կողմից բարձրացված այլ հարցեր:

19.06.25 Ամասիայի բնակիչները ներկայացրել են բնակավայրում առաջնային լուծման կարիք ունեցող խնդիրները:

Ամասիա համայնքի ղեկավարի տեղակալներ Արտավազդ Ղուկասյանը,Արթուր Մանուկյանն ու համայնքապետարանի աշխատակազմի քարտուղար Սամվել Էգնատոսյանը հանդիպում են ունեցել Ամասիա բնակավայրի բնակիչների,համայնքապետարանի աշխատակիցների հետ: Նախապես հայտարարված հանդիպմանը բնակիչների հետ քննարկվել ու առանձնացվել են Ամասիայում առկա առաջնահերթ լուծում պահանջող խնդիրները: Ներկաները կառուցողական երկխոսության ընթացքում խոսել են իրենց հետաքրքրող խնդիրներից,հնչել են տարաբնույթ առաջարկներ ու տեսակետներ: Արդյունքում,բնակիչների որոշմամբ առանձնացվել են առաջնային համարվող հետևյալ 3 կարևոր խնդիրները: 1. Գյուղամիջյան ճանապարհների ասֆալտապատում և բարեկարգում 2. Ոռոգման ներքին ցանցի անկացում 3. Ամասիայի սկզբնամասում կառուցված Հայրենական ... Մանրամասն

19.06.25 Գրքի շնորհանդես Ամասիայի գրադարանում

Գրքի շնորհանդես Ամասիայի գրադարան ՀՈԱԿ-ում Հարուստ ավանդույթներով Ամասիայի գրադարանի աշխատակիցների ջանքերով, լույս է տեսել «Հիշենք բոլորին անուն առ անուն» խորագիրը կրող գիրքը,որում ներկայացված են Հայրենական մեծ պատերազմին մասնակցած ամասիացի վետերանների կենսագրական տվյալներն ու արխիվային լուսանկարները: Միջոցառմանը ներկա էին վետերանների զավակները,ընտանիքների անդամներն ու հարազատները,Ամասիա համայնքի բնակիչներ ու համայնքապետարանի աշխատակիցներ: Միջոցառման մշակութային հատվածի ավարտից հետո,ներկաները կիսվել են իրենց տպավորություններով ու հետաքրքիր պատմություններով,կարևորել գրադարանի աշխատակիցների նախաձեռնությունն ու շնորհակալություն հայտնել Հայրենական Մեծ պատերազմի մասնակից ամասիացիների տվյալները ... Մանրամասն

19.06.25 Բերդաշեն,Ծաղկուտ,Արդենիս,Ալվար,Գառնառիճ,Շաղիկ,Զորակերտ,Աղվորիկ և Զարիշատ բնակավայրերի բնակիչները առանձնացրել են համայնքներում առկա երեքական առաջնային խնդիրները:

Ամասիա համայնքի ղեկավարի տեղակալներ Արտավազդ Ղուկասյանը,Արթուր Մանուկյանն ու Երվանդ Ախցխեցյանն այսօր հանդիպում են ունեցել Բերդաշեն,Աղվորիկ,Ալվար,Շաղիկ,Արդենիս,Զորակերտ, Ծաղկուտ և Գարնառիճ բնակավայրերի վարչական ղեկավարների ու բնակիչների հետ,քննարկել բնակավայրերում առկա առաջնահերթ լուծում պահանջող երեքական խնդիրները: Հանդիպման մասնակիցները կառուցողական երկխոսության ընթացքում,ներկայացրել են իրենց տեսակետներ,խոսել առանձնացված խնդիրներից:Արդյունքում,9 բնակավայրերի ներկայացուցիչները առանձնացրել են առաջնային համարվող հետևյալ խնդիրները: Աղվորիկ բնակավայր 1.Հակակարկտակայանների տեղադրում 2.Գյուղամիջյան ճանապարհների բարեկարգում 3. Գազաֆիկացում Զորակերտ բնակավայր 1.Հակակարկտակայանների տեղադրում 2. Դաշտամիջյան ... Մանրամասն

18.06.25 Կայացել է Ամասիայի համայնքապետարանի գնահատման հանձնաժողովի հայտերի բացման նիստը

Ամասիա համայնքի Ամասիա բնակավայրում կկառուցվի խաղահրապարակ:

Տեղի է ունեցել ՀՀ Շիրակի մարզի Ամասիայի համայնքապետարանի գնահատման հանձնաժողովի հայտերի բացման նիստ,որին մասնակցում էին հանձնաժողովի նախագահ Արթուր Մանուկյանը, հանձնաժողովի անդամներն ու քարտուղար Կարինե Հարթենյանը:

Հայտարարված մրցույթին գնային առաջարկների փաթեթներ էին ներկայացրել չորս ընկերություններ: Հանձնաժողովի անդամների մասնակցությամբ բացվել են գնային առաջարկներ պարունակող բոլոր չորս փաթեթները:

Մրցույթում հաղթող է ճանաչվել «Լիլիթ Դերձյան» և «Այպոշին» ՍՊ ընկերությունները,որոնք ծրագիրը համատեղությամբ իրականացնելու հայտ էին ներկայացրել:

Նոր ու ժամանակակից խաղահրապարակը կկառուցվի մարզադաշտի հարակից տարածքում:

17.06.25 Բնակավայրերում առաջնային խնդիրների վեր հանման նպատակով հանդիպումներ են տեղի ունեցել Ողջի,Մեղրաշատ և Բյուրակն բնակավայրերում

Ինչպիսի՞ խնդիրներ կան վարչական բնակավայրերում և ըստ բնակիչների,որոնք՞ են առաջնահերթ լուծում պահանջող խնդիրները: Հենց այս հարցերն են քննարկվել այսօր բնակիչների և Ամասիա համայնքի ղեկավարի տեղակալներ՝ Արտավազդ Ղուկասյանի և Արթուր Մանուկյանի,համայնքի ղեկավարի խորհրդական Արթուր Մկրտումյանի հետ հանդիպումներում: Համայնքապետարանի աշխատակազմը եղել է Ողջի,Մեղրաշատ և Բյուրակն գյուղերում:Ակտիվ ու կառուցողական քննարկման ընթացքում բնակիչները բարձրաձայնել են իրենց հուզող խնդիրները: Վերջնական քննարկման արդյունքում յուրաքանչյուր բնակավայրից առանձնացվել են հետևյալ երեքական առաջնահերթ լուծման անհրաժեշտություն ունեցող խնդիրները: Ողջի բնակավայր 1.Գյուղամիջյան ճանապարհների բարեկարգում 2.Խմելու ջրի մատակարարման բարելավում ... Մանրամասն

05.06.25 Կայացել է Ամասիայի համայնքապետարանի աճուրդային հանձնաժողովի նիստը

Կայացել է Ամասիայի համայնքապետարանի աճուրդային հանձնաժողովի նիստը՝ հանձնաժողովի նախագահ Ջեմմա Հարությունյանի գլխավորությամբ,նիստին ներկա են գտնվել հանձնաժողովի բոլոր անդամները:

Նիստի օրակարգում ընդգրկված էին հինգ հարցեր:

Աճուրդային սահմանված կարգով բնակիչները ձեռք են բերել Ամասիա համայնքի Ամասիա բնակավայրի տարբեր հասցեներում գտնվող՝ բնակավայրերի բնակելի կառուցապատման հողամասեր, ըստ ընթացակարգերի նաև սահմանվել են հողամասերի աճուրդի մեկնարկային արժեքները:

1 2 3 4 5 6 7 8 9 10 ...